På jorda er vi glimtvis vakre

Mer om boka

På jorda er vi glimtvis vakre er ein son sitt brev til ei mor som ikkje kan lese. Brevet er skrive medan sonen, Veslehunden, er i slutten av tjueåra, og avdekker ei familiesoge som startar før han blei fødd – ei soge som har sitt utspring i Vietnam, og strekker seg til Hartford, Connecticut. Dette brevet blir ein inngang til delar av livet hans som mora aldri har kjent til.

Romanen utforskar den skjøre, men utvilsamt sterke kjærleiken mellom mor og son. Samtidig er På jorda er vi glimtvis vakre også ei brutalt ærleg gransking av rase, klasse og maskulinitet som går rett inn i sentrale problemområde i den amerikanske røynda i dag.

Om han skriv om avhengigheit, vold, eller trauma, er Vuong sitt blikk ømt og rikt på medkjensle. Han penslar ut ei forteljing som like mykje handlar om krafta i å få fortalt si eiga historie, som den øydeleggande stilla i ikkje å bli høyrd. Boka er eit opprivande familieportrett, ei kjærleikshistorie og eit vitnesbyrd om historieforteljingas heilande kraft.

«Romanen er ein ekpslosjon av godt språk og presise observasjonar.»
— Vidar Kvalshaug, BOK365

«En av årets beste bøker. Det er med god grunn at Ocean Vuong har blitt en litterær sensasjon.»
— Ulla Svalheim, Vårt Land

«Storarta roman… Dette er prosapoetisk, utfordrande dikting på høgt nivå.»
— Steinar Sivertsen, Stavanger Aftenblad