Mannemenneske

Mer om boka

Mannemenneske er ei særs personleg dokumentarbok om kva det vil seie å vere mann i det 21. hundreåret.

Gjennom 23 intervju med ulike menn i alle aldrar presenterer forfattar Brit Aksnes eit heilskapleg portrett av korleis moderne maskulinitet ser ut. Kvar kapittel i denne boka er dedikert til ein anonymisert mann. Det er hans stemme vi får høyre, og hans forteljing som blir skildra.

Vi blir kjende med menn som ber på traume som samfunnet ikkje tillèt dei å vise. Nokre av dei er fanga i usunne relasjonar, medan andre har få relasjonar i det heile. Uvisse knytt til seksualitet, kjærleik og kva det faktisk vil seie, blir her drøfta på ein relaterbar og personleg måte.

Denne boka er modellert etter ei boka Menn og elskere - kjærlighetens lykke og ulykke av Åshild Ulstrup. Denne kom ut i 1978 — same år som vi fekk både likestillingslova og lova for sjølvbestemt abort. Så korleis ser eigentleg biletet ut 40 år seinare?

Brit Aksnes laga også radioprogrammet Mannfolk for NRK P2, som var opptakten til Mannemenneske. Dette er hennar debut som forfattar.